ჩვენს მეზღვაურებს ევროპის ზღვებს უკეტავენ

ერთიანი სატრანსპორტო ადმინისტრაცია ეწინააღმდეგება ევროკავშირის გადაწყვეტილებას, არ დაუშვას ქართველი მეზღვაურები ევროკავშირის აკვატორიაში

შემავალ გემებზე. ევროკავშირის მოთხოვნით, ევროპის საზღვაო უშიშროების ადმინისტრაციამ (EMSA) 2006-2007 წწ.

საზღვაო აკადემიასა და საზღვაო ადმინისტრაციაში სერტიფიცირებისა და დიპლომების გაცემის სისტემა შეამოწმა, თუმცა დარღვევების შესახებ გაფრთხილება საქართველოს სატრანსპორტო ადმინისტრაციამ სამი წლის დაგვიანებით, წლეულს ოქტომბერში მიიღო.

ამ სამ წელიწადში EMSA-ს არანაირი შუალედური კვლევა არ მოუწყვია, ისე გადაწყვიტა აკრძალვების საქმე. "ამ დროში საზღვაო აკადემიის დონე გაიზარდა, სასწავლებელმა ხარისხის აღმნიშვნელი სერტიფიკატი მიიღო.

ეს ინფორმაცია ევროკავშირში გადავაგზავნეთ, თუმცა მათი დამოკიდებულება უარყოფითი დარჩა", - აცხადებს ერთიანი სატრანსპროტო ადმინისტრაციის უფროსის მოადგილე დავით ბარამიძე. საკითხის შესასწავლად დეკემბერში საქართველოში საერთაშორისო საზღვაო ორგანიზაციის ექსპერტთა ჯგუფი ჩამოვა, რომელიც ვითარებას შეისწავლის და შედეგებს ევროკავშირში გადააგზავნის.

"ეკოპალიტრა"