ევროკომისიამ საქართველოსთვის ევროკავშირის კანდიდატი ქვეყნის სტატუსის მინიჭების რეკომენდაცია გასცა
ევროკავშირის გაფართოების შესახებ ევროკომისიის ყოველწლიური ანგარიში გამოქვეყნდა. ანგარიშის მიხედვით, ევროკომისიამ საქართველოსთვის ევროკავშირის წევრობის კანდიდატი ქვეყნის სტატუსის მინიჭების რეკომენდაცია გასცა.
ამის შესახებ რამდენიმე წუთის წინ ევროკომისიის პრეზიდენტმა ურსულა ფონ დერ ლაიენმა განაცხადა.
"რეკომენდაციას ვაძლევთ, საქართველოს მიენიჭოს კანდიდატის სტატუსი, იმ თვალსაზრისით, რომ უნდა განხორციელდეს ზოგიერთი რეფორმა. საქართველომ უნდა მიიღოს კანდიდატის სტატუსი, რადგან ნამდვილად იქნა გადადგმული ნაბიჯები, გილოცავთ, " - აღნიშნა ევროკომისიის პრეზიდენტმა.
- სწორედ ამ რეკომენდაციის საფუძველზე, ევროკავშირის ლიდერები 14-15 დეკემბრის სამიტზე მიიღებენ გადაწყვეტილებას, მიანიჭონ თუ არა ქვეყანას კანდიდატის სტატუსი.
დოკუმენტში საქართველოს მიერ ევროკომისიის მიერ განსაზღვრული 12 პრიორიტეტის შესრულებაც არის შეფასებული.
აღსანიშნავია, რომ ბლოკში გაერთიანებისკენ ამ დროისთვის 10 ქვეყანა ისწრაფვის. ეს ქვეყნებია: საქართველო, უკრაინა, მოლდოვა, ალბანეთი, ბოსნია-ჰერცეგოვინა, კოსოვო, მონტენეგრო, ჩრდილოეთ მაკედონია, სერბეთი და თურქეთი. ევროკავშირის კანდიდატის სტატუსი 8 ქვეყანას აქვს მინიჭებული: უკრაინას, მოლდოვას, ალბანეთს, ბოსნია-ჰერცეგოვინას, მონტენეგროს, ჩრდილოეთ მაკედონიას, სერბეთსა და თურქეთს.
იხილეთ ასევე:
- ევროკომისია უკრაინის, მოლდოვის და ბოსნია ჰერცეგოვინასთან მიმართებაში ევროკავშირში გაწევრიანების რეკომენდაციას იძლევა
- "23 ნოემბერს “ვარდების რევოლუციიდან” 20 წლისთავი სრულდება, სწორედ მაშინ ავაფრიალეთ პირველად ევროპის დროშა" - რას წერს მიხეილ სააკაშვილი ევროკომისიის რეკომენდაციაზე
- ევროკომისიამ საქართველოსთვის ევროკავშირის კანდიდატი ქვეყნის სტატუსის მინიჭების რეკომენდაცია გასცა
- "საქართველომ უნდა იპოვოს დამნაშავეები, ჩვენ ვუდგავართ ქართველ ხალხს გვერდით" - რა თქვა ოლივერ ვარჰეიმ ოკუპანტების მიერ თამაზ გინტურის მკვლელობაზე?
- "ქართველ ხალხთან ერთად მიხარია და მივესალმები ევროკომისიის პოზიტიურ რეკომენდაციას" - რას წერს პრეზიდენტი?
- "ქართველმა ხალხმა პირველი რაუნდი მოუგო რუსულ ოცნებას - ქართველი ხალხის ურყევმა ნებამ, საქართველო არ გახდეს რუსეთის გუბერნია, პირველ რაუნდში გაიმარჯვა" - ხაბეიშვილი