დაკავებების სერია, წყლის ჭავლი მომიტინგეების წინააღმდეგ და ცრემლსადენი გაზი - პარლამენტის მიმდებარედ დააკავეს ადვოკატი ბექა ბასილაია

რუსთაველის გამზირზე სამართალდამცავები აქციის მონაწილეებს მასიურად აკავებენ. დაკავებულია ათობით პირი - მთელს პერიმეტრზე გაუშვეს ცრემლსადენი გაზი.

პერიოდულად ადგილი აქვს სამართალდამცავებსა და აქციის მონაწილეებს შორის ფიზიკურ დაპირისპირებას.

პარალელურად, რუსთაველის გამზირის მთელს პერიმეტრზე მასიურად უშვებენ ცრემლსადენ გაზს. აღსანიშნავია, რომ თავად საპოლიციო ძალების წარმომადგენლები სპეციალური ნიღბებით არიან აღჭურვილი.

• პარლამენტის მიმდებარედ დააკავეს ადვოკატი ბექა ბასილაია

ამ დროისთვის, პარლამენტის შენობის მიმდებარე ქუჩებზე ვითარება დაძაბულია.

რუსთაველის გამზირზე ცოტა ხნის წინ ვითარება დაიძაბა. სპეცრაზმმა მომიტინგეების წინააღმდეგ წყლის ჭავლი გამოიყენა. პარლამენტის მიმდებარე ქუჩები და წინა ტერიტორია დემონსტრანტებისგან უკვე გაათავისუფლეს.

წყლის ჭავლს უშვებენ როგორც ჭიჭინაძის ქუჩიდან, ისე თავისუფლების მოედნის მხარიდან.

ადგილზე პერიოდულად ხდება დაპირისპირება აქციის მონაწილეებსა და სამართალდამცველებს შორის. პარლამენტის მიმდებარე ქუჩები და წინა ტერიტორია დემონსტრანტებისგან უკვე გაათავისუფლეს.

მომიტინგეებმა გადაინაცვლეს შევჩენკოს ქუჩისა და პირველი გიმნაზიის მიმდებარე ტერიტორიაზე.

მომიტინგეები რუსთაველის გამზირზე, “ცისფერ გალერეასთან“ ნაგვის ურნების, სკამებისა და სხვადასხვა ნივთების გამოყენებით ბარიკადებს აგებენ.

• აქციის მონაწილეებს რუსთაველის გამზირზე, კერძოდ, “ცისფერ გალერეასთან“ ნაგვის ურნები, სკამები და სხვადასხვა ნივთები მიაქვთ და ბარიკადებს აგებენ.

დემონსტრანტები ამ ფორმით ცდილობენ, ხელი შეუშალონ სპეცრაზმს, რომელიც რუსთაველის გამზირის აქციის მონაწილეებისგან სრულად გათავისუფლებას ცდილობს.

ფოტო: IPN

იხილეთ ასევე:

• სპეცრაზმი და წყლის ჭავლის მანქანა რუსთაველის გამზირის მიმართულებით დაიძრა - ცოცხალი ჯაჭვი მათ წინააღმდეგ: ახალგაზრდებმა ერთმანეთს ხელი ჩაკიდეს და საპოლიციო ძალების პირისპირ ასე დგანან.
• აქციაზე ჟურნალისტი მარიამ გაფრინდაშვილი დაშავდა: "ტვ პირველის” ინფორმაციით, მას ფიზიკურად სპეცრაზმის წარმომადგენლები გაუსწორდნენ - ის საავადმყოფოში გადაჰყავთ