პარტნიორები:
ავტორი:

კამალა ჰარისის შთამბეჭდავი გამოსვლა Met Gala-ზე და ჭორები მის გარშემო - ტაბლოიდები წერენ, რომ ის პოლიტიკაში აქტიურად ბრუნდება (ფოტო)

კამალა ჰარისის შთამბეჭდავი გამოსვლა Met Gala-ზე და ჭორები მის გარშემო - ტაბლოიდები წერენ, რომ ის პოლიტიკაში აქტიურად ბრუნდება (ფოტო)

აშშ-ის ყოფილი ვიცე-პრეზიდენტი კამალა ჰარისი ნიუ-იორკში გამართულ Met Gala-ს საღამოს დაესწრო.

მას ეცვა შავ-თეთრი აბრეშუმის კაბა გრძელი შარფით, შთამბეჭდავი სახელოებითა და ნაკეციანი ქვედაბოლოთი, რომელიც Off-White-ის კრეატიულმა დირექტორმა შექმნა.

60 წლის ჰარისმა თავისი ლუქი ჟურნალ Vogue-სთვის გადაღებულ პორტრეტში წარადგინა, რომელიც თეთრი სახლის ყოფილმა ფოტოგრაფმა კამერონ სმიტმა გადაიღო.

მოდის ჟურნალის ცნობით, კამალას წითელ ხალიჩაზე მისი მეუღლე დაგ ემჰოფი ახლდა, რომელსაც Brunello Cucinelli-ს სმოკინგი ეცვა.

მანამდე კამალა ჰარისი ქმართან ერთად მდიდრებისა და ცნობილების ყოველწლიურ შეკრებას დაესწრო, რომელიც საქველმოქმედო თანხების შესაგროვებლად იმართება. პაპარაცებმა ყოფილი ვიცე-პრეზიდენტი და მისი მეუღლე The Polo Bar-ის დატოვებისას შენიშნეს, სადაც აღნიშნული ღონისძიება იმართება ხოლმე.

აღსანიშნავია, რომ Met Gala-ს სტუმრების სია ექსკლუზიურია და მას Vogue-ის მთავარი რედაქტორი ანა ვინტური აკონტროლებს. წლევანდელი Met Gala-ს ბილეთები ერთ ადამიანზე 75 000 დოლარი ღირდა.

არსებობს ვარაუდები, რომ ჰარისი პოლიტიკაში აქტიურად დაბრუნებას გეგმავს და ის 2026 წელს კალიფორნიის გუბერნატორის პოსტზე იყრის კენჭს.

წყარო

იხილეთ ასევე:

ტეგები თემაზე: