თურქეთში, სკოლაზე თავდასხმის შემდეგ, 162 ადამიანი დააკავეს - რას აცხადებენ სამართალდამცველები?
თურქეთში, სკოლაში მომხდარი სროლის შემდეგ, 162 ადამიანი დააკავეს - სამართალდამცავების განცხადებით, დაკავებულები სოციალური ქსელის გამოყენებით "დანაშაულისა და დამნაშავეების ქება-დიდებაში მონაწილეობდნენ“ და მათი აქტივობა "უარყოფითად მოქმედებდა საზოგადოებრივ წესრიგზე“.
- ქვეყანაში მოკლე პერიოდში ორი მძიმე ტრაგედია მოხდა - სამშაბათს, სამხრეთ-აღმოსავლეთ თურქეთში მდებარე ერთ-ერთ სკოლაში სროლის შედეგად სულ მცირე, 16 ადამიანი დაშავდა. უკვე ოთხშაბათს, ქალაქ კაჰრამანმარაშში, სკოლაში მომხდარ სროლას ცხრა ადამიანის სიცოცხლე ემსხვერპლა.
დაღუპული ბავშვების დაკრძალვაზე ასობით ადამიანი შეიკრიბა. ახლობლებმა და მოქალაქეებმა კიდევ ერთხელ გაუსვეს ხაზი სკოლებში უსაფრთხოების გაძლიერების აუცილებლობას.
თურქეთის ოფიციალური პირების ინფორმაციით, თავდასხმის შედეგად რვა მოსწავლე და ერთი მასწავლებელი დაიღუპა, ხოლო 13 ადამიანი დაშავდა, მათგან ექვსის მდგომარეობა კრიტიკულად მძიმეა.
-
თავდასხმა აისერ ჩალიკის საშუალო სკოლაში მოხდა. ადგილობრივი პროკურატურის განცხადებით, ეჭვმიტანილს თავდასხმა წინასწარ ჰქონდა დაგეგმილი.
"ციფრული მასალების შემოწმებისას, ეჭვმიტანილის კომპიუტერში 2026 წლის 11 აპრილით დათარიღებული დოკუმენტი აღმოვაჩინეთ, რომელიც მიუთითებს, რომ ის უახლოეს მომავალში მასშტაბური ოპერაციის ჩატარებას აპირებდა", – ნათქვამია პროკურატურის განცხადებაში.
- ნახეთ ასევე:
- "მან ჩვენს მეგობარს უთხრა - “მოგკლავ“ - დეტალები თურქეთის ტრაგედიაზე, რა დროსაც მოზარდმა სკოლაში 9 ადამიანი მოკლა, რას ჰყვებიან კლასელები და რა იპოვეს ბიჭის ტელეფონში
- მასწავლებელი მოსწავლეებს გადაეფარა და სიცოცხლე გაწირა - რა არის ცნობილი თურქეთში სკოლაზე თავდასხმისას მოკლულ პედაგოგზე