საკრუიზო ლაინერიდან ევაკუირებულ რამდენიმე მგზავრს "ჰანტავირუსი" დაუდასტურდა - რა არის ცნობილი ამ დროისთვის
საკრუიზო ლაინერიდან, სადაც სამი მგზავრი "ჰანტავირუსის" შედეგად გარდაიცვალა, ადამიანების ევაკუაცია კვლავ გრძელდება.
ხომალდიდან უკვე ევაკუირებულ საფრანგეთისა და აშშ-ის მოქალაქეებს კი ვირუსი დაუდასტურდათ. როგორც ცნობილია, ვირუსი 3 ევაკუირებულ მგზავრს დაუდასტურდა, მათ შორის, 1 საფრანგეთის, ორი კი აშშ-ის მოქალაქეა.
მედიის ინფორმაციით, საფრანგეთის მოქალაქე, რომელიც პარიზში გადაიყვანეს, მძიმე მდგომარეობაშია. რაც შეეხება ამერიკელს, რომელიც ნებრასკაშია გადაყვანილი, ვირუსი დაუდასტურდა, თუმცა ამ შემთხვევაში დაავადება ამ ეტაპზე უსიმპტომოდ მიმდინარეობს. დაავადების "მსუბუქი სიმპტომები“ კიდევ ერთ ადამიანს აღენიშნება.
- ფრანგი ქალი ერთ-ერთია იმ ხუთ მგზავრს შორის, რომელმაც გემი გასულ კვირას დატოვა და ის პარიზის საავადმყოფოში გადაიყვანეს. საფრანგეთის ჯანდაცვის მინისტრის, სტეფანი რისტის თქმით, პაციენტის მდგომარეობა ორშაბათს დამძიმდა, ქალმა თავი შეუძლოდ უკვე კვირას ღამით იგრძნო, რის შემდეგაც ტესტმა დადებითი პასუხი აჩვენა. ის ამჟამად პარიზში, კლინიკის სპეციალიზებულ ინფექციურ განყოფილებაში მკურნალობს.
აშშ-ის ჯანდაცვის დეპარტამენტის ინფორმაციით, მგზავრს “ანდების შტამი“ - ჰანტავირუსის ერთადერთი სახეობაა დაუდასტურდა, რომელიც ადამიანებს შორის გადადის.
გემ Hondius-იდან, რომელზეც ჰანტავირუსი გავრცელდა, მგზავრების ევაკუაცია 10 მაისს დაიწყო.
- საფრანგეთის მთავრობის წარმომადგენელმა, მოდ ბრეგეონმა, მოსახლეობას სიმშვიდისკენ მოუწოდა და განაცხადა რომ “საფრანგეთის ხელისუფლება ყველაფერს აკეთებს ფრანგი ხალხის დასაცავად“
ორშაბათს გემზე დარჩენილი 54 ადამიანიდან, ნაწილი ნიდერლანდებში სპეციალური რეისით გაემგზავრება. ამავე რეისით მოხდება ავსტრალიელი მგზავრების ევაკუაციაც, რადგან ტექნიკური მიზეზების გამო მათთვის განკუთვნილი თვითმფრინავი ტენერიფეზე ვერ ჩაფრინდა.
ჯანდაცვის მსოფლიო ორგანიზაციის საფრთხეების პრევენციის დეპარტამენტის ხელმძღვანელმა, მარია ვან კერხოვემ, აღნიშნა, რომ აუცილებელია ყველა იმ პირზე “აქტიური დაკვირვება“, ვისაც ინფიცირებულებთან ჰქონდა კონტაქტი .
ნახეთ ასევე: