"დავით მამაგეიშვილი სახეში ურტყამს ხელს სანდრო სეხნიაშვილს, სანდრო სხვა აქტივისტებთან ერთად ცოტა ხნის წინ დააკავეს" - ფოტოგრაფი ლევან ზაზაძე (ვიდეო)
"დავით მამაგეიშვილი [საპატრულო პოლიციის დეპარტამენტის ქალაქ თბილისის მთავარი სამმართველოს უფროსი] სახეში ურტყამს ხელს სანდრო სეხნიაშვილს. სანდრო სხვა აქტივისტებთან ერთად ცოტა ხნის წინ დააკავეს" - აღნიშნულის შესახებ ფოტოგრაფი ლევან ზაზაძე სოციალურ ქსელში წერს და თბილისის საკრებულოს მიმდებარე ტერიტორიიდან ვიდეოს აქვეყნებს.
- ცნობისთვის, ცოტა ხნის წინ თბილისის საკრებულოსთან, პოლიციამ კიდევ რამდენიმე პირი დააკავა. დაკავებას წინ უძღოდა აქტივისტების მხრიდან შეძახილები, მათ შორის ბიძინა ივანიშვილის მისამართით. ასევე, მათ ხელში ეკავათ საპროტესტო ბანერები.
მანამდე, სამართალდამცველებმა თორნიკე თოშხუა დააკავეს, რომელიც საკრებულოსთან იდგა ბანერით, რომელზეც ბიძინა ივანიშვილთან დაკავშირებით უცენზურო წარწერა იყო განთავსებული.