"ხალხოო, ფრიდონ ბუბუტეიშვილი შეიწყალეს. სინდისის პატიმარი, რომელიც სამარტოო საკანში იხდიდა სასჯელს" - ყაველაშვილმა 2024 წლის საპროტესტო აქციებისას დაკავებული ფრიდონ ბუბუტეიშვილი შეიწყალა
2024 წლის გაზაფხულის აქციების დროს დაკავებული ფრიდონ ბუბუტეიშვილი შეიწყალეს. ამის შესახებ ინფორმაციას ტელეწამყვანი ნანუკა ჟორჟოლიანი ავრცელებს.
"ხალხოო, ფრიდონ ბუბუტეიშვილი შეიწყალეს.
სინდისის პატიმარი, რომელიც სამარტოო საკანში, ძალიან რთულ გარემოში .
გამორჩეულად დაჩაგრეს, ბევრჯერ მოატყუეს…
თავისუფლების ბევრი მცდელობა იყო და არაფერი გამოდიოდა.
ძალიან მაგარი ამბავია!
ფრიდონს გაუმარჯოს, მის თავისუფლებას გაუმარჯოს“, - წერს ნანუკა ჟორჟოლიანი სოციალურ ქსელში.
შეგახსენებთ, პრეზიდენტის ადმინისტრაციის ინფორმაციით, საქართველოს პრეზიდენტმა, მიხეილ ყაველაშვილმა, მარიამობის დღესასწაულთან დაკავშირებით 226 პირი შეიწყალა.
ცნობისთვის, ფრიდონ ბუბუტეიშვილის 5-წლიანი პატიმრობა ჰქონდა მისჯილი. მას გამოძიება პარლამენტის ჭიშკრის დაზიანებას ედავებოდა, რამაც 500 ლარის ზიანი გამოიწვია. ასევე, პროკურატურის ინფორმაციით, ბუბუტეიშვილმა მეხანძრე-მაშველს ქვა ესროლა, რომელიც მას მარცხენა მხარში მოხვდა. სამართალდამცველებმა ის 2024 წლის 15 მაისს დააკავეს.
იხილეთ ასევე:
- არსებული ცნობებით, მიხეილ ყაველაშვილის მიერ შეწყალებულთა სიაში არიან აქციების დროს დაკავებული დავით ხომერიკი და სიმონ მახარაძეც
- მიხეილ ყაველაშვილის მიერ შეწყალებულთა სიაში მოხვდა საბა ჯიქიაც
- მიხეილ ყაველაშვილმა პროევროპულ აქციაზე დაკავებული კიდევ 2 მსჯავრდადებული შეიწყალა - გურამ ხუტაშვილი და დანიელ მუმლაძე თავისუფლები არიან