გიორგი ქოჩორაშვილი ყოფილი თანაგუნდელის, ხესუს დე მიგელის პანაშვიდზე მივიდა
“გიორგი ქოჩორაშვილი ყოფილი თანაგუნდელის, ხესუს დე მიგელის პანაშვიდზე მივიდა. სწორედ ამ მიზეზით ქართველმა ფეხბურთელმა დღეს სევილიას ვარჯიში გამოტოვა,“ - ამის შესახებ Geo Team-ი წერს და ფოტოებს აქვეყნებს.
- 2022-2023 წლების სეზონში გიორგი ქოჩორაშვილი და ხესუს დე მიგელი კასტელონში თანაგუნდელები იყვნენ.
30 წლის ხესუს დე მიგელის გარდაცვალებამ ესპანეთის კანარის კუნძულ ტენერიფეზე საყოველთაო გლოვა გამოიწვია. ფეხბურთელის დაღუპვის შემდეგ სტადიონი, სადაც ის ბოლოს თამაშობდა, ხსოვნის მემორიალად იქცა - გულშემატკივრებს ყვავილები, სანთლები, ფოტოები, შარფები და ბავშვების ნახატები მიაქვთ. ტრაგედიის შემდეგ პირველად ისაუბრა მეკარე ხესუს ოვონომაც, რომლის წინააღმდეგ თამაშის დროსაც ფეხბურთელი მატჩის დროს მძიმედ დაშავდა.
- ტენერიფეზე ახლა ფეხბურთზე მეტად ერთი ადამიანის დაკარგვაზე საუბრობენ. კუნძული გლოვობს 30 წლის ხესუს დე მიგელს, რომელიც 2 ნოემბერს, "ტენერიფესა“ და "ანდორას“ მატჩის დროს მომხდარი მძიმე შეჯახების შედეგად მიღებული ტრავმებით გარდაიცვალა.
საბედისწერო ეპიზოდი შეხვედრის მიწურულს მოხდა. "ანდორას“ მეკარე ხესუს ოვონო ბურთის მოგერიებას ცდილობდა, თუმცა ფეხი ბურთს ასცდა და დარტყმა "ტენერიფეს“ თავდამსხმელს გულ-მკერდის არეში მიაყენა.
დე მიგელი მოედანზე უგონოდ დაეცა. მას გული გაუჩერდა. ექიმებმა მისი გადარჩენა სცადეს, თუმცა ფეხბურთელი მეორე დღეს, 3 ნოემბერს, საავადმყოფოში გარდაიცვალა.
იხილეთ ასევე:
- ტრაგედია სტადიონზე - ფეხბურთელი, მოწინააღმდეგე გუნდის მეკარესთან შეჯახების შემდეგ გარდაიცვალა (ვიდეო)
- "ჩემს ცხოვრებაში ყველაზე მძიმე დღეებია“ - მეკარე, რომელთან შეჯახების შემდეგაც 30 წლის ფეხბურთელი დაიღუპა, პირველად ალაპარაკდა: მას 4-წლიანი პატიმრობა ემუქრება?