დევიდ კოპერფილდი მამა გახდა

ამერიკელი ილუზიონისტი დევიდ კოპერფილდი 54 წლის ასაკში მამა პირველად გახდა. შვილი მას 26 წლის მეგობარმა გოგონამ ქლოე გოსელინმა გაუჩინა. გოგონა 1 წლის წინ დაბადებულა, მაგრამ კოპერფილდმა ამ ამბის დამალვა ისე ოსტატურად მოახერხა, პაპარაცებს ეჭვიც არ გასჩენიათ. გოგონას სკაი ჰქვია.

კოპერფილდის ოფიციალურმა წარმომადგენელმა ეს ინფორმაცია უკვე დაადასტურა. თავად ილუზიონისტი კი კომენტარისგან თავს იკავებს, ამჟამად ის ლას-ვეგასში გასტროლებზე იმყოფება.

დევიდ კოპერფილდს ცოლი არასდროს ჰყოლია. 1993 წელს ის სუპერმოდელ კლაუდია შიფერზე დაინიშნა, მაგრამ ნიშნობიდან 6 წელიწადში წყვილი დაშორდა. კოპერფილდმა გოსელინი 2 წლის წინ გაიცნო, შეყვარებულები ბაჰამის კუნძულებზე ფეშენებელურ ვილაში ცხოვრობენ.

მომზადებულია Contactmusic.com-ის მიხედვით.