ქუთაისში, აღმაშენებლის გამზირზე სამკილომეტრიანმა ხეივანმა დასრულებული სახე ვერა და ვერ მიიღო. გასული წლის ზაფხულში სამუშაოები შპს "ელბამ" შეასრულა, თუმცა კეთილმოწყობის სამსახურმა არ ჩაიბარა. მიზეზი უხეშად შესრულებული სამუშაოები აღმოჩნდა. ამიტომაც აღნიშნულ კომპანიას თანხის ნაწილი - 84 000 ლარი არ გადაუხადეს. ოდესღაც სამამულო ენდემური ჯიშის ხეებით დამშვენებული გამზირის სახეს დღეს ეგზოტიკური უცხოური პალმები ქმნიან, რომელთაც ბრჭყვიალა, მწვანე ყელსაბამებივით აქვთ შემოხვეული ფერადი განათება... ”P.S.” (პოსტსკრიპტუმი - ქუთაისი)