ბრიტანეთში ცეროდენა ლეკვი გაჩნდა

ლეკვი, რომელიც ფუნტზე ნაკლებს იწონის, ხელისგულზე თავისუფლად თავსდება. მას ჯეკ რასელი ქვია და ინგლისის ქალაქ სვინდონში დაიბადა.

ლეკვის პატრონი 10 წლის კელი-მეი კოლესი მას 9 დღის განმავლობაში სპეციალური პატარა ბოთლით კვებავდა, რადგანაც დედამ ის დაბადებისას მიატოვა.

"ყველა მიიჩნევს, რომ ჩემი ჯეკი ლამაზია. ყველა ჩემს მეგობარს უყვარს ის. სკოლის მასწავლებელმა ისიც კი მითხრა, ეს ლეკვი ყველაზე პატარაა, რომელიც კი დაბადებულაო", - ამბობს გოგონა.

როდესაც ლეკვი დაიბადა მხოლოდ 8 სანტიმეტრი იყო. ჯეკისთან ერთად კიდევ 4 ლეკვი გაჩნდა, მაგრამ მხოლოდ ჯეკი გადარჩა.

მომზადებულია dailymail.co.uk- ის მიხედვით.