ვალენსია ცეცხლის ფესტივალს მასპინძლობს

ესპანეთის ქალაქი ვალენსია ყოველწლიურ ცეცხლის ფესტივალს მასპინძლობს. Las Fallas დღესასწაული, რომელიც ტურისტებში დიდი პოპულარობით სარგებლობს, ქალაქის ქუჩებში კოსტუმირებული მსვლელობით, თოჯინებითა და გრანდიოზული ფოიერვერკით აღინიშნება.

დღესასწაულის მთავარი სანახაობა გიგანტური თოჯინების სკულპტურებია, რომელიც მუყაოსგან, ქაღალდისგან და ხისგან იქმნება. დიდი პოპულარობით სარგებლობს ესპანელი სელებრითებისა და პოლიტიკოსების თოჯინებიც.

დღესასწაულის კულმინაციას La Crema-ს (ცეცხლმოკიდებული) უწოდებენ. საღამოს ფოიერვერკს უშვებენ. როდესაც შეკრებილი საზოგადოება გალობას იწყებს, ქუჩის განათება ქრება და ღამის 12 საათზე ყველა თოჯინას ცეცხლს უკიდებენ.

დღესასწაულზე მობილიზებულია სახანძრო მანქანები და სამაშველო ბრიგადები, რათა ქალაქის შენობები ხანძრისგან დაიცვან.

ყოველწლიურად ხალხი 1 საუკეთესო თოჯინას არჩევს. თოჯინას, რომელიც ყველაზე მეტ ხმას დააგროვებს, არ წვავენ და ადგილობრივ მუზეუმში ინახავენ.

იხილეთ ფოტოგალერეა

მომზადებულია amusingplanet.com- ის მიხედვით.