ალავერდის ტაძრის მიმდებარე ტერიტორია წყალდიდობის შედეგად ორჯერ დაიტბორა. მნიშვნელოვნად დაზარალდა სამონასტრო მეურნეობა, საფრთხე შეექმნა უნიკალურ ფრესკებს და სიძველეებს.
სპეციალისტების განცხადებით, პრევენციული სამუშაოების მიუხედავად, ტაძრის უსაფრთხოება დაცული არ არის. არსებობს სტიქიის განმეორების საფრთხე, რამაც შეიძლება გამოუსწორებელი ზიანი მიაყენოს მსოფლიო კულტურული მემკვიდრეობის ნიმუშს.