წამალს, რომელმაც ჯექსონი მოკლა, სასიკვდილო განაჩენის აღსასრულებლად გამოიყენებენ

მისურის შტატში ძლიერმოქმედ საძილე საშუალება "პროპოფოლს" სასიკვდილო განაჩენის აღსრულების დროს, დამნაშავეებს ინექციის სახით გაუკეთებენ.

ძლიერ საანესთეზიო საშუალებას, რომელიც მაიკლ ჯექსონის ტრაგიკული სიკვდილის მიზეზი გახდა, ამიერიდან აშშ-ში სასიკვდილო განაჩენის აღსრულებისთვის გამოიყენებენ. 

მისურის შტატის სასჯელაღსრულების დეპარტამენტმა გადაწყვიტა, ძველი მეთოდი - ე.წ "ტეხასურ კოქტეილი" შეცვალოს. "ტეხასური კოქტეილი" ძლიერმოქმედი დასაძინებელი სამი საშუალების ნარევია.

ამჟამად მისურიში სასიკვდილო განაჩენს 19 დამნაშავე ელის. როდის დაიწყება ”პროპოფოლის” ფართო გამოყენება, უცნობია.

ლეგენდარული მუსიკოსი მაიკლ ჯექსონი ლოს-ანჯელესში საკუთარ სახლში პროპოფოლის ზედმეტი დოზით გარდაიცვალა. მომღერლის სიკვდილზე პასუხისმგებლობა მის პირად ექიმს კონრად მიურეის დააკისრეს, რომელსაც 2011 წლის ნოემბერში არაგანზრახ მკვლელობისთვის 4 წელი მიუსაჯეს.

მომზადებულია lifenews.ru-ს მიხედვით.