ნაპოლეონის ორთოგრაფიული შეცდომები აუქციონზე იყიდება

ნაპოლეონ ბონაპარტის წერილს, რომელიც ინგლისურ ენაზე წმინდა ელენას კუნძულზე ყოფნის დროს არის დაწერილი, პარიზში აუქციონზე გასაყიდად 10 ივნისს გამოიტანენ.

დოკუმენტი 1816 წლის მარტით არის დათარიღებული და დღემდე მოღწეული, ერთი იმ 3 წერილთაგანია, რომელიც ნაპოლეონმა წმინდა ელენას კუნძულზე დაწერა. ნაპოლეონი კუნძულზე ვატერლოოს ომში დამარცხების შემდეგ გადაასახლეს.

წმინდა ელენას კუნძულზე ნაპოლეონმა ინგლისური ენის შესწავლა გადაწყვიტა, რომ მის გარშემო მყოფი ბრიტანელების საუბარი გაეგო, ან უბრალოდ მოწყენილობა გაექარწყლებინა.

ყოფილ იმპერატორს ინგლისურის გაკვეთილებს გრაფი ემანუელ დე ლას კეისესი უტარებდა (Emmanuel, the Comte de las Cases), რომელიც მას თვალყურს ადევნებდა. როცა უძილობა სტანჯავდა, ნაპოლეონი საკუთარ მასწავლებელს წერილებს წერდა.

წერილის ტექსტი გრამატიკული შეცდომებით არის დაწერილი. იყო თუ არა საჭირო, ბონაპარტი დამხმარე ზმნა "shall"-ს ყოველთვის იყენებდა.

ლოტის სავარაუდო ფასი 80 000 ევროა. ვაჭრობა სასახლე ფონტანბლოში (Fontainebleau) ჩატარდება.

მომზადებულია BBC News-ის მიხედვით.