ისტორიკოსები გაოცებულნი დარჩნენ, როდესაც ავსტრიულ სასახლე Lengberg-ში ქალის 500 წლის წინანდელი თეთრეული აღმოაჩინეს. ბუსტჰალტერი და საცვალი სასახლის სარდაფში ინახებოდა.
ქალის თეთრეული ჟამთა სვლით გაცვეთილია, მაგრამ თანამედროვე ბუსტჰალტერსა და საცვალთან მსგავსება აშკარაა. ცნობილია, რომ შუა საუკუნეებში მამაკაცებს იმავე სტილის საცვალი ეცვათ, როგორიც თანამედროვე შორტებია, მაგრამ ამ დრომდე ითვლებოდა, რომ ქალებს კაბის შიგნით ხალათი, ან პერანგი ეცვათ. ითვლებოდა, რომ ქალებმა ქვედა საცვლის მასიურად გამოყენება მე-18 საუკუნიდან დაიწყეს, ხოლო ბუსტჰალტერი შედარებით უფრო თანამედროვეა, იგი მხოლოდ 100 წლის წინ გამოჩნდა.
"ეს აღმოჩენა თავიდან დაწერს მოდის ისტორიას. დღემდე მსგავსი რამ არავის უნახავს", - განაცხადა ლონდონის მუზეუმის მოდის კურატორმა, ჰილარი დევიდსონმა.
სასახლეში ქალის თეთრეულთან ერთად ტანსაცმლის დაახლოებით 3 000 ნაფლეთი აღმოაჩინეს.
მომზადებულია dailymail.co.uk-ის მიხედვით.