ჩინელებმა ღვინო გიგანტურ ბოთლში ჩამოასხეს

ჩინეთში გიგანტური ღვინის ბოთლი შექმნეს, რომლის სიგრძე 27 მეტრია, სიგანე - 2.3 მეტრი და 3 ტონას იწონის. ბოთლი სპეციალურად გამოფენა Yantai International Wine Expo-სთვის შეიქმნა.

გიგანტური ბოთლი გამოფენაზე კომპანია Jinding Co-მ სარეკლამო კამპანიის ფარგლებში წარადგინა. კომპანიამ გამოფენის ყველა სტუმარს მისცა შესაძლებლობა, რომ ამ ბოთლიდან ჩამოსხმული ღვინო დაეგემოვნებინათ.

ბოთლი გამოფენაზე სპეციალური პლატფორმის საშუალებით მიიტანეს. გიგანტური ღვინის ბოთლი არ იყიდება. ის გამოფენის ბოლომდე Yantai International Wine Expo-ს პავილიონში დარჩება. შესაძლოა, ის გინესის რეკორდების წიგნშიც მოხვდეს.

მომზადებულია sdchina.com-ის მიხედვით.