პროტესტი უნიტაზზე - უჩვეულო აქცია ავსტრალიაში

ავსტრალიაში კოსტიუმებში გამოწყობილმა თორმეტმა ადამიანმა საზოგადოებრივი საპირფარეშოების არარსებობა უჩვეულო ფორმით გააპროტესტა. აქციის მონაწილეებმა პროტესტის ნიშნად სანაპიროზე უნიტაზები განათავსეს, შარვალი ჩაიძრეს და ზედ დასხდნენ.

აქციის მონაწილეთა აღშფოთებას იწვევს ის ფაქტი, რომ სანაპიროზე არსად საზოგადოებრივი ტუალეტი არ არის. უხერხულ სიტუაციებში კი ტურისტებსა და ადგილობრივებს სანაპიროს პატარა კაფეების ტუალეტებში ვიზიტი და ადმინისტრაციის "შეწუხება" უწევთ.

როგორც ავსტრალიური პრესა იუწყება, ადგილობრივი მუნიციპალიტეტის საბჭოს წევრები საზოგადოებასთან კონსულტაციებს უკვე მართავენ, რათა საზოგადოებრივი ტუალეტებისთვის საუკეთესო ადგილი შეარჩიონ.

იხილეთ ვიდეო

მომზადებულია telegraph.co.uk-ის მიხედვით.