დიდი ბრიტანეთის პოლიცია რამდენიმე ვანდალს ეძებს, რომლებმაც სომერსეტის საგრაფოში დედოფალ ელისაბედისა და ოლიმპიელი ათლეტების ქვიშის ფიგურებს თავი "მოჰკვეთეს".
ხელოვანებმა ფიგურები ქვიშის სკულპტურების ფესტივალის ფარგლებში შექმნეს, რომელიც კურორტზე ცოტა ხნის წინ გაიმართა.
გავრცელებული ინფორმაციით, სათვალთვალო კამერამ 3 მამაკაცი გადაიღო. ამ ფაქტით გაოცებულნი და აღშფოთებულნი არიან პროექტში მონაწილე ხელოვანები და მისი ორგანიზატორები.
"ძალიან იმედგაცრუებული ვარ. ეს ფესტივალი ჩემთვის ბევრს ნიშნავს. სკულპტურებში მთელი გული და სული ჩავდე. სკულპტურის აღდგენას რამდენიმე კვირა დასჭირდება", - განაცხადა ფესტივალში მონაწილე ერთ-ერთმა მოქანდაკე ნიკოლა ვუდმა.
მომზადებულია dailymail.co.uk-ის მიხედვით.