ლონდონში, ბრომლის რაიონში მცხოვრები 27 წლის კაროლინ რაინერი "დისნეის" გმირებზეა შეყვარებული. კაროლინის საძინებელში 400 სათამაშო "ცხოვრობს". რაინერი სათამაშოებს 3 წლის ასაკიდან აგროვებს და, როგორც თავად ამბობს, რეკორდის დამყარებას აპირებს.
კაროლიმი გათხოვილია. მისი თქმით, დაქორწინებამდე ძალიან ეშინოდა, რომ მის მეუღლეს სათამაშოების რაოდენობა დააფრთხობდა და მათ გადაყრას მოთხოვდა. თუმცა დევიდი ცოლის გატაცებას პატივს სცემს და სათამაშოების მიმართ აგრესიას არასდროს იჩენს.
"პირველი სათამაშო - მიკი მაუსი წლების წინ კალიფორნიაში სტუმრად ყოფნის დროს მაჩუქეს. მე ის ძალიან შემიყვარდა. ჩემი გატაცების გამო სკოლაში ხშირად აბუჩად მიგდებდნენ, თუმცა კოლექციის შეგროვებაზე ამან უარი ვერ მათქმევინა. სათამაშოების მოვლისას სტრესი სადღაც ქრებოდა. მათი რიცხვი თანდათან გაიზარდა და ახლა გრანდიოზული კოლექციის მფლობელი ვარ", - ამბობს კაროლინი.
მომზადებულია dailymail.co.uk-ის მიხედვით.