განახლებული გუდაური დამსვენებელებს წლევანდელ სეზონზე უმასპინძლებს

განახლებული გუდაური დამსვენებელებს წლევანდელ სეზონზე უმასპინძლებს. "გუდაურის განვითარების ფონდის" ინფორმაციით, რეაბილიტაციის პროექტი სამი ძირითადი მიმართულებით ხორციელდება, ესენია - კურორტზე არსებული კერძო სახლების, მცირე და საშუალო ზომის სასტუმროების რეაბილიტაცია, სასმელი წყლის სათავე ნაგებობისა და მაგისტრალური წყალსადენის აღდგენა-შეკეთება და გუდაურსა და დაბა კუმლისციხეში შიდა გზების რეაბილიტაცია.

"პროექტის ფარგლებში ყველა კერძო სახლისა და სასტუმროს ფასადს თბოიზოლაციის მასალებით გავაკეთებთ, ასევე, ყველა შენობას გადავხურავთ", -აცხადებენ გუდაურის განვითარების ფონდში.

წელს "გუდაურის განვითარების ფონდის" ბიუჯეტი 9 მლნ ლარს შეადგენს და თანხის ძირითადი ნაწილი აღნიშნულ სამუშაოებს მოხმარდება.

სარეაბილიტაციო პროექტის დასრულება 15 ნოემბრისთვის იგეგმება.

რა? სად? რა ფასად?

გაიგეთ ”რადიო მარკეტში”

ყოველ სამუშაო დღეს 10:50 და 11:50 საათზე

რადიო ”პალიტრის” ეთერში - FM 103.9