ჩინეთის ქალაქ ჩუნცინის მკვიდრმა ხუ სენმა შეყვარებულს ფოსტით საკუთარი თავი გაუგზავნა, მაგრამ ლამის ამანათში გაიგუდა. ხუ სენს მეგობარი გოგონას გაოცება უნდოდა.
კურიერს, რომელსაც ამანათი ადგილზე უნდა მიეტანა, მისამართები აერია. შედეგად, რომანტიკულად განწყობილმა ჩინელმა 30 წუთის ნაცვლად, ყუთში დაახლოებით 3 საათი დაჰყო და ლამის გაიგუდა.
როდესაც ამანათი დანიშნულების ადგილზე მიიტანეს, ხუ სენი უკვე უგონოდ იყო. მის გონზე მოსაყვანად სასწრაფო დახმარების გამოძახება გახდა საჭირო.
"არ მეგონა თუ ამანათის მიტანას ამდენი დრო დასჭირდებოდა, ვცადე კოლოფი გამეხვრიტა, რომ მესუნთქა, მაგრამ მუყაო ძალიან სქელი აღმოჩნდა, ხოლო ყვირილი არ მინდოდა, რადგან ამით სურპრიზს გავაფუჭებდი",- ამბობს ხუ სენი.
"რომ გვცოდნოდა, რის გაკეთებასაც აპირებდა, ამანათს არ მივიღებდით",- განაცხადეს ადგილობრივ საფოსტო განყოფილებაში.
მომზადებულია Orange News-ის მიხედვით.