81 წლის სუპერმოდელი ნიუ-იორკის მოდის კვირეულის პოდიუმზე

მსოფლიოში ყველაზე ხანდაზმული სუპერმოდელი, 81 წლის კარმენ დელორეფაისი ნიუ-იორკის მოდის კვირეულის პოდიუმზე გავიდა. სუპერმოდელმა დიზაინერ ნორისოლ ფერარის 2013 წლის გაზაფხული-ზაფხულის კოლექცია წარმოადგინა.

"არ ვიცი, რასაც ვაკეთებ კარგია, თუ სისულელე. თუმცა, ერთი რამ დანამდვილებით ვიცი, რასაც ვაკეთებ მომწონს", - განაცხადა კარმენმა ჟურნალ Today-სთან საუბარში.

კარმენი მოდის ინდუსტრიაში ცნობილია, როგორც ყველაზე ხანდაზმული სუპერმოდელი, რომელიც სამოდელო ბიზნესში აქტიურადაა ჩართული. საზოგადოებამ კარმენი ჟურნალ Vogue-ით გაიცნო, რომლის გარეკანზეც ის 15 წლის ასაკში მოხვდა. კარმენი ამერიკელი ფოტოგრაფის, ერვინ ბლუმენფილდის მუზა გახდა. ის ხშირად ღიმილით იხსენებს ბავშვობის წლებს და ამბობს, რომ Vogue-ს წარმომადგენლებს მასთან კონსულტაციისთვის ბინაში მისვლა უწევდათ, რადგანაც ოჯახს ძალიან უჭირდა და ტელეფონი არ ჰქონდა.

მომზადებულია today.com-ის მიხედვით.

იხილეთ ვიდეო: 81 წლის სუპერმოდელის, კარმენ დელ ორეფისის გლამურული ფოტოსესია