პრინცესა დიანას საქორწინო კაბის ნაჭრები აუქციონზე გაიტანეს

ბრიტანელი დიზაინერის, ელიზაბეტ ემანუელის შექმნილი კაბა, რომელიც პრინცესა დიანას ქორწილის დღეს ეცვა, მოდის ინდუსტრიაში ერთ-ერთ საუკეთესო ნამუშევრად ითვლება.

საქორწინო კაბაზე მორჩენილ ნაჭრებსა და დიზაინერის პირადი ხელმოწერით გაფორმებულ ესკიზს PFC-ის აუქციონზე გაიტანენ. მათი საწყისი ფასი 10 000 გირვანქა სტერლინგია.

"ჩვენი აუქციონის სახლისთვის დიდი პატივია საზოგადოებას შევთავაზოთ იმ საქორწინო კაბის ესკიზი, რომელიც პრინცესა დიანას ეცვა. ვფიქრობ, ადამიანი, რომელიც ამ ნაჭრებს შეიძენს, ძალიან იღბლიანია, რადგან ის სახალხო პრინცესას ეკუთვნის", - განაცხადა აუქციონის წარმომადგენელმა კაილი უაითჰედმა.

ეს პირველი შემთხვევა არაა, როდესაც PFC-ის აუქციონი სამეფო ოჯახის საქორწინო ცერემონიის მნიშვნელოვან ატრიბუტს მასპინძლობს; მაგალითად, პრინც ჩარლზისა და პრინცესა დიანას ალბომი 3 194 გირვანქა სტერლინგად გაიყიდა. 

მომზადებულია dailymail.co.uk-ის მიხედვით.

ასევე იხილეთ: სკანდალური ფილმი პრინცესა დიანას სიკვდილის შესახებ