ბრიტანელების ნახევარმა არ იცის, სად აქვს გული

ლონდონის მუზეუმის ორგანიზებული გამოკითხვის მონაწილეთა ნახევარზე მეტმა ადამიანის ანატომიასთან დაკავშირებით სრული უცოდინრობა გამოავლინა.

გამოკითხული ზრდასრული მამაკაცებისა და ქალების უმეტესობამ არ იცის, რომელ მხარეს არის გული, რამდენი სისხლია ადამიანის ორგანიზმში, რამდენი კბილი აქვს ადამიანს და რამდენია ჯანმრთელი ადამიანის სხეულის ტემპერატურა.

2 000 რესპოდენტიდან 10%-ს, კითხვაზე - თუ რამდენი თირკმელი აქვს ადამიანს, დარწმუნებით პასუხის გაცემა გაუჭირდა. 60%-მა კი არ იცოდა, თუ რა ჯგუფის სისხლი ჰქონდა.

გამოკითხულთა სამმა-მეოთხედმა ვერ შეძლო ეთქვა, თუ რამდენი ძვალი აქვს ადამიანს. ნახევარზე მეტს წარმოდგენა არ აქვს, სად მდებარეობს ნაღვლის ბუშტი. სამი-მეოთხედი დარწმუნებული არაა იმაში, რომ ღვიძლი უმსხვილესი შინაგანი ორგანოა.

მომზადებულია The Daily Mail-ის მიხედვით.