სექსუალური ენციკლოპედია 8-11 წლის ბავშვებისთვის

ეკატერინბურგის მშობელთა კომიტეტმა სვერდლოვსკის ოლქის პროკურატურაში განცხადება დაწერა, რომელშიც რეალიზაციიდან ბავშვებისთვის განკუთვნილი სექსუალური ენციკლოპედიის ამოღებას ითხოვს. საზოგადოების წევრები ერთ-ერთ მაღაზიაში შემთხვევით წააწყდნენ 8-11 წლის ბავშვებისთვის განკუთვნილ წიგნს სექსის შესახებ.

წიგნში მოცემული ქვეთავები დაწვრილებით მოგვითხრობს მასტურბაციაზე, გოგონების ეროგენულ ზონებზე, ჰომოსექსუალიზმზე და სხვა თემებზე.

გარდა ამისა, წიგნის ავტორები პატარა ბავშვებს პედოფილიის და ძალადობის შესახებ უამბობენ. წიგნში აღწერილია, თუ როგორ უნდა "მიანიჭონ ქალს სიამოვნება" და სხვა მრავალი ინტიმური თემა. თვალსაჩინოებისთვის ქვეთავები შესაბამისი ნახატებითაა გაფორმებული.

ენციკლოპედია მოსკოველმა მწერალმა, ევგენია ფადეევამ ქალიშვილთან ერთად დაწერა. წიგნის დასაწყისში განმარტებულია, რომ "მათ გადაწყვიტეს სანდო და პრაქტიკული ენით ბავშვებს სხვადასხვა ამაღელვებელ თემაზე ესაუბრონ".

მას შემდეგ, რაც ურალის აქტივისტებმა ენციკლოპედია პორნოგრაფიად მიიჩნიეს, პროკურატურას წიგნის მაღაზიებიდან ამოღება მოსთხოვეს.

"ენციკლოპედია გაიგზავნება ექსპერტიზაზე, რომელიც გადაწყვეტს, მიესადაგება თუ არა მათი შინაარსი საბავშვო წიგნისას. დადგინდება, არის თუ არა ამ ენციკლოპედიების გაყიდვა აღზრდის შესახებ კანონის დარღვევა" - აცხადებენ ეკატერინბურგის პროკურატურაში.

თუ ექსპერტიზა დაადგენს, რომ წიგნი ზიანს აყენებს პატარა მკითხველებს, მაშინ მაღაზიებს, რომლებშიც სექს-ენციკლოპედია იყიდებოდა, ადმინისტრაციული სასჯელი დაუწესდებათ.

მომზადებულია ziza.qip.ru-ს მიხედვით.

იხილეთ ვიდეო