პრინცი უილიამი და ქეითი მეჩეთში ფეხშიშველი შევიდნენ

დიდი ბრიტანეთის პრინცი უილიამი და მისი მეუღლე ქეითი მალაიზიას სტუმრობენ.

წყვილი ჯერ კუალა-ლუმპურის სამეფო სასახლეში გამართულ წვეულებას დაესწრო, შემდეგ კი ქალაქის ცენტრში მდებარე Assyakirin-ის მეჩეთს ეწვია. მეჩეთი მალაიზიაში ყველაზე დიდია და 12 000 ადამიანს იტევს.

ეტიკეტის შესაბამისად, სამეფო წყვილმა ფეხსაცმელი გაიხადა და კუალა-ლუმპურის სახელმწიფო მაღალჩინოსნების თანხლებით მეჩეთში შევიდა.

ქეითის სამოსმა საზოგადოებას პრინცესა დიანა გაახსენა. ქეითს იმავე სტილის თავშალი ეკეთა, როგორიც დიანას 1992 წელს ეგვიპტეში, მეჩეთში სტუმრობისას. სამეფო წყვილის სანახავად მეჩეთთან უამრავი ადამიანი შეიკრიბა.

მომზადებულია dailymail.co.uk-ის მიხედვით.