ქალი, რომელსაც ევროკავშირის ქვეყნებსა და აშშ-ში შესვლა ეკრძალება, საქართველოში დამკვირვებელია

საქართველოში მიმდინარე საპარლამენტო არჩევნებზე ერთ-ერთ დამკვირვებლად საქართველოს ცენტრალურმა საარჩევნო კომისიამ დაარეგისტრირა ბელორუსის ცსკო-ს თავმჯდომარე, ლიდია ერმოშინა, რომელსაც მსოფლიოს 28 ქვეყანაში შესვლა ეკრძალება. 

ლიდია ერმოშინას კარგად იცნობენ ევროკავშირის ქვეყნებსა და აშშ-ში. ინტერნეტგამოცემების "Gulfetimes“ -ისა და "Belafen“-ის ცნობით, 2006 წლის 10 აპრილს, საპრეზიდენტო არჩევნების შემდეგ, ევროკავშირმა ლიდია ერმოშინა მთავრობის იმ 40- კაციან სიაში შეიყვანა, რომლებსაც ევროკავშირის ქვეყნებსა და აშშ-ში შესვლა ეკრძალებათ. გადაწყვეტილება საგარეო საქმეთა მინისტრების შეხვედრაზე, ლუქსემბურგში მიიღეს.

მიუხედავად ამისა, საქართველოს ცენტრალური საარჩევნო კომისიისთვის არაფერს შეუშლია ხელი, რომ ლიდია ერმოშინა, თავის სამკაციან დელეგაციასთან ერთად, დამკვირვებლად დაერეგისტრირებინა.

სრული ვერსია

”გურია ნიუსი”