ბრაზილიაში საჯდომების სილამაზის კონკურსი გაიმართა

ბრაზილიაში საჯდომების სილამაზის კონკურსი Miss BumBum-2012 გაიმართა. მასში მონაწილეობა 27-მა კონკურსანტმა მიიღო. კონკურსანტებს სცენაზე გამოსვლისას სახეზე ნიღბები სიმბოლურად ეკეთათ. ჟიურიმ ისინი მხოლოდ საჯდომების მიხედვით შეაფასა.

კონკურსზე გოგონები კედლისკენ პირით დგებიან, ხელებს კედელს აბჯენენ და დარბაზს მხოლოდ საკუთარ უკანა ტანს უჩვენებენ.

კონურსი 3 ეტაპად ტარდება. თავდაპირველად მონაწილეებს ინტერნეტში, ხმის მიცემის მეშვეობით ირჩევენ, შემდეგ კი მათი საჯდომების ავ-კარგიანობას სპეციალური ჟიური აფასებს.

ამის შემდეგ საჯდომების სილამაზის კონკურსს კიდევ რამდენიმე მონაწილე ეთიშება. დარჩენილი 15 ქალბატონი კი გამარჯვების მოსაპოვებლად სან-პაულოში მიემგზავრება, სადაც კონკურსის ფინალი გაიმართება.

გასული წლის გამარჯვებულს, მოდელ როსანა ფერიერას პრიზის სახით 3000 ფუნტი სტერლინგი გადასცეს.

მომზადებულია The Sun-ის მიხედვით.