შესაძლოა ქართულ ბაზარზე პური გაძვირდეს

ოქტომბრის შუა რიცხვებიდან შესაძლოა, ქართულ ბაზარზე პური გაძვირდეს. ამ პროგნოზს ეკონომიკის ექსპერტები აკეთებენ. სპეცალისტების შეფასებით, თუ საერთაშორისო ბაზრებზე ხორბლის ფასი არ შემცირდა, რამდენიმე კვირაში საქართველოში იაფად შეძენილი ხორბლის მარაგი ამოიწურება და წისქვილ კომბინატები ფქვილს გააძვირებენ. პურის გაძვირებაზე მწარმოებლებიც საუბრობენ. პურის ქარხნების ნაწილის ინფორმაციით, ფქვილის ფასი ამ დრომდე მაღალია, რადგან ბოლო თვეებში 9 ლარით გაძვირდა და ფასების შენარჩუნება მოგების ხარჯზე უწევთ.

"თუ ფქვილი კიდევ გაძვირდება, ფასების დაჭერა შეუძლებელი იქნება და პურზე ფასი 10 თეთრით მოიმატებს",- აცხადებენ ქარხნებში.

მათივე ინფორმაციით, მსოფლიო ბირჟებზე ხორბალი ძვირდება და ეს დინამიკა ამ დრომდე უცვლელია. საქართველო იმპორტზე დამოკიდებული ქვეყანაა და ფასთაცვალებადობა პირდაპირ აისახება.

რა? სად? რა ფასად?

გაიგეთ ”რადიო მარკეტში”

ყოველ სამუშაო დღეს 10:50 და 11:50 საათზე

რადიო ”პალიტრის” ეთერში - FM 103.9