მსოფლიოში ყველაზე მაღალი მზესუმზირები

ქალაქ უიგანში მცხოვრები 67 წლის მებაღე რიჩარდ ჰოუფი ბრიტანეთში ყველაზე მაღალი მზესუმზირების მფლობელია. ბრიტანეთის წვიმიან ამინდს მზესუმზირის გაზრდისთვის ხელი არ შეუშლია. მზესუმზირების სიმაღლე 8 მეტრია და რიჩარდი იმედოვნებს, რომ მალე გინესის  რეკორდების წიგნშიც შევა.

რიჩარდს ღრუბლიან ცასთან და ნაადრევ ყინვასთან ბრძოლა უწევდა, თუმცა, მისი გარჯა ნამდვილად დაფასდა - მზესუმზირებმა 8 მეტრს მიაღწიეს.

მზესუმზირის ხილვა რიჩარდის 2 სართულიანი სახლის კედელზეა შესაძლებელი. რიჩარდი მზესუმზირების მოვლას დღეში რამდენიმე საათს უთმობს. შესაძლოა, ისინი გინესის მსოფლიო რეკორდების წიგნში შევიდეს, როგორც ყველაზე მაღალი მზესუმზირები.

მომზადებულია dailymail.co.uk-ის მიხედვით.