Baby Mop ბავშვს იატაკის ჩვრად აქცევს

დიზაინერმა ბავშვის უჩვეულო სამოსი შექმნა. Baby Mop თქვენს შვილს იატაკის ჩვრად აქცევს. მას ფეხებსა და ხელებზე სპეციალური "მტვერსაწმენდი" აქვს მიკერებული. პატარას, რომელმაც ცოცვა უკვე ისწავლა, კომფორტულ სამოსს ჩააცმევთ და იატაკიც მოპრიალდება. ეს სიახლე საზოგადოებას ამერიკულმა ვებსაიტმა BetterThanPants-მა შესთავაზა. ტანსაცმელი 40 დოლარი ღირს და ის უამრავმა ადამიანმა შეიძინა.

"იმის ნაცვლად, რომ პატარებს აუხსნათ, იატაკზე საკვები არ დაყაროს, უმჯობესია სახლის დალაგებით დატვირთოთ. ამ სამოსის წყალობით, სახლი ყოველთვის დალაგებული იქნება, თქვენი შვილი კი ენერგიას დახარჯავს და უკეთესად დაეძინება", - აცხადებენ კომპანიაში.

საზოგადოებაში ბავშვის სამოსის გარშემო აზრთა სხვადასხვაობაა - ნაწილი თვლის, რომ ეს ძალიან სახალისო პროდუქციაა, ზოგიერთი კი მას ბავშვისთვის დამამცირებლად მიიჩნევს.

მომზადებულია dailymail.co.uk-ის მიხედვით.