2013 წლის ბიუჯეტის პროექტით, ეროვნული უშიშროების აპარატისთვის 24 მილიონის ნაცვლად 1 800 000 ლარი გამოიყოფა

2013 წლის ბიუჯეტის პროექტით, საქართველოს ეროვნული უშიშროების აპარატისთვის 24 784 000 ლარის ნაცვლად 1 800 000 ლარი გამოიყოფა.

ბიუჯეტის პროექტში, რომელიც ფინანსთა სამინისტროს ვებ-გვერდზე გამოქვეყნდა, არაფერია ნათქვამი ეროვნული უსაფრთხოების პოლიტიკის ღონისძიებებზე, რომლისთვისაც 2012 წლის ბიუჯეტში 23 000 000 ლარი იყო გათვალისწინებული.

ბიუჯეტის პროექტს, რომელიც პარლამენტში გუშინ შევიდა, საკანონმდებლო ორგანო მიმდინარე კვირას განიხილავს.

"ინტერპრესნიუსი"