კუვეიტის ფეიერვერკი გინესის რეკორდების წიგნში მოხვდა

კუვეიტის მერმა საკუთარ ხალხს კონსტიტუციის 50 წლის იუბილესთან დაკავშირებით დაუვიწყარი ფოიერვერკი აჩუქა. გრანდიოზული შოუს საყურებლად ათობით ათასი კუვეიტელი და უცხოელი დედაქალაქ ალ-კუვეიტში შეიკრიბა. გინესის მსოფლიო რეკორდების კომისიამ კუვეიტელების პირველობა უკვე აღიარა.

"77 282 ფოიერვერკი გავუშვით, რაც ახალი რეკორდის დამყარებას ნიშნავს",- აღნიშნეს გინესის მსოფლიო რეკორდების კომისიის წარმომადგენლებმა.

ფოიერვერკი ქვეყანას დაახლოებით 15 მლნ დოლარი დაუჯდა.

კონსტიტუციის დღის დასასრულს ხალხს ემირმა შეიხ საბახ ალ-აჰმად ას-საბახმა მიმართა. მან განაცხადა, რომ კუვეიტის მთავრობა დემოკრატიულ რეფორმებს აგრძელებს და ერს ერთობისკენ მოუწოდა.

კონსტიტუცია კუვეიტში 1962 წლის 11 ნოემბერს მიიღეს.

მომზადებულია The Kuwait Times-ის მიხედვით.