ყვარლის რაიონში კაკლის ხეები განზრახ დააზიანეს

ყვარლის რაიონის სოფელ ჩანტლისყურის მოსახლეობა სოფლის მიმდებარე ტყეში კაკლის ხეების დაზიანებას აპროტესტებს.

სოფლის მცხოვრებლებმა შენიშნეს, რომ კაკლის ხეებს, გახმობის მიზნით, მერქანი დასერილი აქვს. მათი თქმით, გამხმარი ხეები ტყიდან ადვილი გასატანია და დაინტერესებული პირები ამას იოლად შეძლებენ.

მოსახლეობა აცხადებს, რომ კაკლის ხეები საშეშე მასალად გამოყენებისთვის უვარგისია და ის ავეჯის დასამზადებლად სჭირდებათ. ბუნებრივი რესურსების სააგენტოს კახეთის სამმართველოს წარმომადგენლის, ლევან გელაძის თქმით, კაკლის ხეების მოჭრა სისხლის სამართლის დანაშაულია.

სრული ვერსია

რადიო "ჰერეთი"