შემოსავლების სამსახურში გოგა ხაჩიძის მამის ქონების დაყადაღებას ადასტურებენ

შემოსავლების სამსახურში ადასტურებენ, რომ საპარლამენტო უმცირესობის წევრ გოგა ხაჩიძის მამას ქონება დაუყადაღეს.

როგორც "ინტერპრესნიუსს" შემოსავლების სამსახურში განუცხადეს, ქონების დაყადაღება მიწის გადასახადის გადაუხდელობამ განაპირობა.

შემოსავლების სამსახურში აცხადებენ, რომ აღნიშნულთან დაკავშირებით ოფიციალური განცხადება მოგვიანებით გავრცელდება.

მშობლების ქონების დაყადაღებასთან დაკავშირებით ინფორმაცია გოგა ხაჩიძემ სოციალური ქსელების მეშვეობით გუშინ გაავრცელა.

"ინტერპრესნიუსი"