ია ანთაძე "საზოგადოებრივი მაუწყებლის" დირექტორობის მსურველთა რაოდენობამ გააოცა

ჟურნალისტი ია ანთაძე "საზოგადოებრივი მაუწყებლის" დირექტორობის მსურველთა რაოდენობამ გააოცა. ამის შესახებ ჟურნალისტი "ფეისბუქის" საკუთარ გვერდზე წერს.

"ყოჩაღ! საზოგადოებრივი მაუწყებლის დირექტორობის მსურველთა 28 CV დევს უკვე. ჯერ სადა ვართ!",- წერს ჟურნალისტი.

ჟურნალისტი პოტს კანდიდატთა CV-ებს ურთავს, რომელიც ტელეკომპანიის ოფიციალურ საიტზეა გამოქვეყნებული.

ამჟამად, საიტზე 32 CV დევს. სიაში ძირითადად საზოგადოებისთვის უცნობი სახელები და გვარებია.

"საზოგადოებრივი მაუწყებლიდან" გია ჭანტურიას წასვლის შემდეგ, გენერალური დირექტორის ვაკანსიაზე ღია კონკურსი გამოცხადდა.