იაპონიაში ნაგავსაყრელზე 120 000 აშშ დოლარი იპოვეს

იაპონიაში ერთ-ერთ ნაგავსაყრელზე მუშებმა 120 000 დოლარი აღმოაჩინეს. ამის შესახებ Associated Press-ი იტყობინება. სააგენტოს ინფორმაციით, ფული იმ ნაგავში აღმოაჩინეს, რომელიც ავეჯის გადამუშავების შედეგად მიიღება.

სავარაუდოდ, ფულის მფლობელს დაავიწყდა, რომ თანხას გარდერობში ინახავდა და ისიც ძველ ავეჯთან ერთად ჩააბარა.

თუ სამი თვის განმავლობაში ფულს არავინ მიაკითხა, ის ნაგვის გადამამუშავებელი საამქროს საკუთრება გახდება.

შეგახსენებთ, რომ ახლახან აშშ-ში, გარდაცვლილი მამაკაცის სახლში აღმოაჩინეს საგანძური, რომელიც ექსპერტებმა 7.5 მლნ დოლარად შეაფასეს.

მომზადებულია newsbang.net-ის მიხედვით.