ნუგზარ წიკლაური აბაზანაში საკუთარ თავს ფოტოებს უღებს

სოციალურ ქსელ "ფეისბუქში" ნუგზარ წიკლაურის ფოტო გავრცელდა. სურათზე პოლიტიკოსი ხალათით სარკის წინ დგას და ipad-ით საკუთარ თავს ფოტოს უღებს.

"ფეიბუქში" სურათის განთავსებიდან რამდენიმე საათში ფოტოს 600-მდე მოწონება, 630 გაზიარება და 400-მდე კომენტარი დაუგროვდა.

ფოტო სასტუმროშია გადაღებული - აბაზანაში სასტუმროებისთვის დამახასიათებელი ჰიგიენური საშუალებების სასაჩუქრე ნაკრები დევს.

ვინაიდან მსგავსი სახის ფოტოებს, იგივე seflshoot-ებს ინტერნეტში ხშირად ახალგაზრდა გოგონები ათავსებენ, შესაბამისად სოც-ქსელის მომხმარებლები ნუგზარ წიკლაურის ”ავტო-ფოტოს” იუმორით შეხვდნენ. მავანს  ამ ამბავმა სკარლეტ იოჰანსონის გახმაურებული შიშველი ფოტოები გაახსენა, რომელიც მსახიობმა საკუთარ თავს გადაუღო.

ambebi.ge