სიეტლში რეკორდული გუნდაობა გაიმართა

ქალაქ სიეტლის ქუჩებში მსოფლიოში ყველაზე მასობრივი გუნდაობა გაიმართა. ერთმანეთს თოვლის გუნდები დაახლოებით 6000-მდე ადამიანმა დაუშინა. მასობრივი გუნდაობა, როგორც ახალი რეკორდი, გინესის რეკორდების წიგნში უკვე შევიდა.

გუნდაობის მონაწილეებმა თოვლში სანგრები გააკეთეს და საკუთარი საგუშაგოები ყველა შესაძლო ხერხით გაამაგრეს. გუნდაობისას სულ 73 ტონა თოვლი დაიხარჯა, რომელიც ადგილზე ახლომდებარე მთებიდან ჩამოზიდეს. მასობრივმა გუნდაობამ დაახლოებით ნახევარ საათს გასტანა.

დრემდე მასობრივი გუნდაობის რეკორდი სამხრეთ კორეაში დაამყარეს. მაშინ ბრძოლაში მონაწილეობა 5000-მდე ადამიანმა მიიღო.

მომზადებულია snow.co -ის მიხედვით.

იხილეთ ვიდეო