გერმანულ მძიმე მეტალის ჯგუფში მხოლოდ რობოტები არიან

გერმანული ჯგუფი Compressorhead-ის წევრები არ არიგებენ ავტოგრაფებს და არასდროს ეხვევიან სკანდალებში. ჯგუფი, რომელიც მსმენელს მძიმე მეტალს სთავაზობს, მხოლოდ რობოტებისგან შედგება.

რობოტი მუსიკოსები არ ქმნიან ახალ კომპოზიციებს. მათ მხოლოდ ისეთი ლეგენდარული როკ-კოლექტივების მუსიკის დაკვრა შეუძლიათ, როგორიცაა Motörhead, AC/DC და სხვა.

Compressorhead -ში სულ სამი რობოტია და მათ საზოგადოებას საკუთარი მექანიკური მუსიკალური შემოქმედება Big Day Out Festival-ის ფესტივალზე, ავსტრალიაში წარუდგინეს.

რობოტებს სახელებიც აქვთ - ფინგერსი, ბოუნსი და სტიკბოი. ისინი ისე არიან დაპროგრამებული, თავისუფლად შეუძლიათ ნებისმიერი როკ-კომპოზიციის შესრულება.

იხილეთ ვიდეო: რობოტებისგან შემდგარი მუსიკალური ჯგუფი

მომზადებულუა drunov.ru-ს მიხედვით.