საქართველოს სტატისტიკის ეროვნულმა სამსახურმა სამომხმარებლო კალათა განაახლა

საქართველოს სტატისტიკის ეროვნულმა სამსახურმა სამომხმარებლო კალათა განაახლა. ოფიციალური სტატისტიკით, 2013 წლის სამომხმარებლო კალათა კვლავ მოიცავს 288 დასახელების სამომხმარებლო საქონელსა და მომსახურებას, თუმცა სამომხმარებლო კალათაში შემავალი საქონლისა და მომსახურების წონები შეიცვალა.

"2013 წლის განახლებული სამომხმარებლო კალათა ეფუძნება ეროვნულ ანგარიშთა სისტემით განსაზღვრულ მოხმარების სტრუქტურას. ეროვნული ანგარიშებიდან მიღებული წონების გამოყენება სამომხმარებლო კალათის ფორმირების პროცესში წარმოადგენს ერთ-ერთ არსებით რეკომენდაციას, რომელსაც ევროსტატი ევროკავშირის წევრ-ქვეყნებს სთავაზობს", - განმარტავენ საქსტატში.

მათი განმარტებით, განახლებული სამომხმარებლო კალათა ასახავს მოსახლეობის დანახარჯების უახლეს სტრუქტურას, რაც უფრო საიმედოს გახდის სამომხმარებლო ფასების ინდექსს - ინფლაციის მაჩვენებელს.

საქართველოში სამომხმარებლო კალათა ბოლოს გასულ წელს განახლდა.

რა? სად? რა ფასად?

გაიგეთ ”რადიო მარკეტში”

ყოველ სამუშაო დღეს 10:50 და 11:50 საათზე

რადიო ”პალიტრის” ეთერში - FM 103.9