ადელი ხმას კარგავს

მომღერალი ადელი "ოსკარის" დაჯილდოების ცერემონიალზე იმღერებს და როგორც ჩანს, ძალიან ნერვიულობს. ვარსკვლავი ლოს-ანჯელესში ჰიპნოთერაპევტს სტუმრობს და იმედოვნებს, მისი დახმარებით სცენაზე გასვლის შიში გაუქრება.

როგორც ადელის მეგობრები ამბობენ, მომღერალი მთელი ღამე შფოთავს, ვერ იძინებს, კოშმარები ესიზმრება და შედეგად, ნერვიულობისგან ხმა ეკარგება. ადელი პანიკაში განსაკუთრებით მას მერე ჩავარდა, როდესაც შეიტყო, რომ სცენაზე მასთან ერთად ბარბარა სტრეიზანდიც იმღერებს.

ადელი მსგავსი მასშტაბური ღონისძიებების წინ ყოველთვის ნერვიულობს. მომღერალმა აღიარა, რომ შარშან "გრემის" დაჯილდოების ცერემონიალზე ნერვიულობისგან ცუდად გახდა და არ ახსოვს, როგორ გავიდა სცენაზე.

შეგახსენებთ, "ოსკარის" რიგით 85-ე დაჯილდოების ცერემონია 24 თებერვალს, ლოს-ანჯელესში, "დოლბის" თეატრში გაიმართება. ადელი საზოგადოებას ფილმ "Skyfall"-ის საუნდტრეკს შესთავაზებს.

მომზადებულია The Sun-ის მიხედვით.