"როსპოტრებნადზორს" ქართული კომპანიების სია გაეგზავნა
"როსპოტრებნადზორს" რუსეთის ბაზარზე დაბრუნების მსურველი ქართული კომპანიების სია უკვე გაეგზავნა.
როგორც "ინტერპრესნიუსს" საქართველოს ღვინის ეროვნული სააგენტოს ხელმძღვანელმა ლევან დავითაშვილმა განუცხადა, რუსული მხარე სიებზე უკვე მუშაობს.
"ისინი ადარებენ თავიანთ სიას. ჩვენ ერთობლივად დავგეგმავთ მარშრუტებს და ლოგისტიკურ საკითხებს. შევათანხმებთ რუსი ინსპექტორების ჩამოსვლის თარიღსაც", - აღნიშნა ლევან დავითაშვილმა.
მისივე ინფორმაციით, დელეგაცია შესაძლოა მიმდინარე კვირას ან მომავალ კვირას ჩამოვიდეს. "მათ წარმოდგენილი აქვთ, რომ ერთი სამუშაო კვირა იყვნენ აქ. ამიტომ, შესაძლოა, კვირას ჩამოფრინდნენ და ორშაბათს დაელოდონ. ამ თარიღებს ვათანხმებთ. სია ალკოჰოლის მწარმოებელ 80 და მინერალური წყლების მწარმოებელ 4 კომპანიას მოიცავს", - განაცხადა ლევან დავითაშვილმა.
დაარეგულირებს თუ არა მერია ტაქსით მგზავრობის გაზრდილ საფასურს - ირაკლი ხმალაძის კომენტარი
თქვენი თანხმობის გარეშე სარეკლამო SMS-ებს აღარ მიიღებთ - რამდენი იქნება დარღვევაზე ჯარიმა
