ტაილანდში ჰულა-ჰუპის რეკორდი მოხსნეს

ტაილანდში ჰულა-ჰუპის რეკორდი მოხსნეს. ღონისძიებაში მონაწილეობა 4483-მა ადამიანმა მიიღო. ისინი ჰულა-ჰუპს მუსიკის თანხლებით 7 წუთის განმავლობაში ატრიალებდნენ.

აქცია ფეხბურთის მოედანზე, ჯანდაცვის ადგილობრივი დეპარტამენტის ინიციატივით მოეწყო. ამის შესახებ Sky News-ი იტყობინება.

თავდაპირველად მასობრივ ღონისძიებაში მონაწილეობას 5000 ადამიანი იღებდა, თუმცა შემდეგ 517 მათგანმა დავალებას თავი ვერ გაართვა და ღონისძიებას გამოეთიშა.

ადგილზე იმყოფებოდა გინესის რეკორდების წიგნის წარმომადგენელი, რომელმაც დამყარებული რეკორდი ოფიციალურად დაამოწმა.

მომზადებულია Sky News-ის მიხედვით.