ია ანთაძე ანტისაოკუპაციო პროპაგანდას აპროტესტებს

ჟურნალისტი ია ანთაძე ანტისაოკუპაციო კამპანიას აპროტესტებს, რომელიც ცოტა ხნის წინ მედიაში, მათ შორის სოციალურ მედიაში დაიწყო.

"პროპაგანდა მაშინაც დამამცირებელია ღირსეული, მოაზროვნე საზოგადოებისთვის, როცა საქმე, თუნდაც, ოკუპაციას ეხება. სანამ არ გავთავისუფლდებით, ვერ გავთავისუფლდებით", - წერს ანთაძე.

აქცია სახელწოდებით "არა ოკუპაციას" ცოტა ხნის წინ დაიწყო. აქციას უკვე შეუერთდნენ საზოგადოებისთვის ცნობილი და რიგითი ადამიანები. ისინი წერენ ვიდეო-მიმართვებს, რომლებშიც საქართველოს ოკუპაციას აპროტესტებენ და youtube.com-ზე ათავსებენ. აქციის მხარდასაჭერად გვერდი შექმნილია "ფეისბუქზეც".