"ივანიშვილის საჩუქრის" მოლოდინში ქორწინების რეგისტრაცია 14-ჯერ გაიზარდა

სარვამარტოდ პრემიერ-მინისტრ ბიძინა ივანიშვილისგან "საჩუქრების მოლოდინში" კახეთში ქორწინების რეგისტრაცია 5-ჯერ გაიზარდა, გურჯაანის მუნიციპალიტეტში კი 14-ჯერ.

სამოქალაქო რეესტრის სააგენტოს სტატისტიკური მონაცემებით, 2013 წლის იანვარში კახეთში ქორწინების 141 რეგისტრაცია განხორციელდა, თებერვალში კი 686. იანვარში, გურჯაანში განხორციელდა ქორწინების 16 რეგისტრაცია, თებერვალში 225, იანვარში თელავში 12 ქორწინება დარეგისტრირდა, თებერვალში - 129. გასულ თვეში ლაგოდეხში ქორწინების 12 რეგისტრაცია განხორციელდა, თებერვალში - 131. ქორწინების რეგისტრაცია 7-ჯერ გაიზარდა ყვარელში - იანვარში ქორწინების 10 რეგისტრაცია, თებერვალში კი 71 განხორციელდა.

ქორწინების რეგისტრაციის მატება რეგიონში გავრცელებულ არასწორ ინფორმაციას უკავშირდება, რომლის თანახმად ქალთა დღესთან დაკავშირებით, პრემიერ-მინისტრმა ბიძინა ივანიშვილმა ოფიციალურ ქორწინებაში მყოფ 60 წლამდე ასაკის ქალებს 1000 ლარიანი ტექნიკის ვაუჩერი უნდა აჩუქოს.

სრული ვერსია

კახეთის საინფორმაციო ცენტრი