სურსათი და უალკოჰოლო სასმელები წინა წელთან შედარებით გაიაფებულია

სურსათი და უალკოჰოლო სასმელები წინა წელთან შედარებით გაიაფებულია. "საქსტატი" თებერვლის თვის ინფლაციის მაჩვენებელს აქვეყნებს.

ოფიციალური სტატისტიკით, 2013 წლის თებერვალში, 2012 წლის თებერვალთან შედარებით ინფლაციის დონემ საქართველოში -2,1 პროცენტი შეადგინა. 12-თვიან პერიოდში აღნიშნული მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე:

სურსათი და უალკოჰოლო სასმელები: მოცემულ ჯგუფში ფასები შემცირდა 3,3 პროცენტით. შესაბამისად, ჯგუფის წვლილმა ინფლაციის საერთო მაჩვენებელში -0,97 პროცენტული პუნქტი შეადგინა. ფასების კლება დაფიქსირდა შემდეგ ქვეჯგუფებზე: ბოსტნეული და ბაღჩეული (13,1 პროცენტი), თევზეული (8,3 პროცენტი), შაქარი, ჯემი და სხვა ტკბილეული (5,9 პროცენტი), ხორცი და ხორცის პროდუქტები (3,9 პროცენტი),ზეთი და ცხიმი (2,0 პროცენტი).

საცხოვრებელი, წყალი, ელექტროენერგია, აირი: მოცემულ ჯგუფში ფასები შემცირდა 7,0 პროცენტით. შესაბამისად, ჯგუფის წვლილმა წლიური ინფლაციის საერთო მაჩვენებელში -0,60 პროცენტული პუნქტი შეადგინა. ფასების კლება დაფიქსირდა შემდეგ ქვეჯგუფებზე: ელექტროენერგია, აირი და სათბობის სხვა სახეები (8,9 პროცენტი), საცხოვრებელთან დაკავშირებული სხვა მომსახურება (7,9 პროცენტი), საცხოვრებლის მიმდინარე მოვლა და შეკეთება (1,8 პროცენტი).

დასვენება-გართობისა და კულტურის ჯგუფზე ფასები შემცირდა 3,0 პროცენტით. შესაბამისად, ჯგუფის წვლილმა წლიური ინფლაციის საერთო მაჩვენებელში -0,19 პროცენტული პუნქტი შეადგინა. აღნიშნულ ჯგუფში ფასები შემცირდა აუდიოვიზუალური, ფოტოგრაფიული და მონაცემთა დამუშავების მოწყობილობებზე (14,4 პროცენტი).

რა? სად? რა ფასად?

გაიგეთ ”რადიო მარკეტში”

ყოველ სამუშაო დღეს 10:50 და 11:50 საათზე

რადიო ”პალიტრის” ეთერში - FM 103.9