ძაღლმა პატრონი თვითმკვლელობისგან იხსნა

საფრანგეთში ძაღლმა პატრონი თვითმკვლელობისგან იხსნა. გერმანული ნაგაზი პატრონს მაშინ შეახტა, როდესაც ეს უკანასკნელი ჩახმახზე თითის გამოკვრას აპირებდა.

ფრანგული მედიის ცნობით, საფრანგეთის 63 წლის მოქალაქემ თვითმკვლელობა ბოლო პერიოდში სამჯერ სცადა. ბოლო ცდა კი საკუთარმა ოთხფეხა მეგობარმა ჩაუშალა. როდესაც ქალის მეუღლე სახლიდან წავიდა, მან იარაღი აიღო, ბაღში გავიდა და ჰაერში რამდენჯერმე გაისროლა. შემდეგ კი იარაღი მკერდში დაიმიზნა.

სწორედ იმ დროს, როდესაც პენსიონერი ქალი ჩახმახზე თითის გამოკვრას აპირებდა, გერმანული ნაგაზი შეახტა. გასროლილი ტყვია ქალს მკერდში მოხვდა, თუმცა სიცოცხლისთვის აუცილებელი ორგანოები არ დაზიანებია. ძაღლის ამ ქცევამ ადგილობრივი სამართალდამცავები განაცვიფრა.

შინ დაბრუნებულმა ქმარმა სასწრაფო დახმარებას გამოუძახა. ქალი საავადმყოფოში გადაიყვანეს. ახლა ის თავს უკეთ გრძნობს.

მომზადებულია news.am-ის მიხედვით.